Die wêreld is op die rand van onvoorspelbaarheid met onstabiliteit in amper elke streek van die aardbol.

 

Daar is die de facto Koue Oorlog tussen Trump en Poetin, onsekerheid rondom Brexit wat Britse burgers noop om ingemaakte voedselprodukte op te gaar en dan die toenemende handels- en hulpkonflik tussen Washington en Beijing. Dit geld ook in Afrika en met ons bure, soos Zimbabwe,  en verder noord in die  Demokratiese Republiek van die Kongo.

 

Met al hierdie onsekerheid is beleggers op hul hoede en dink mooi na oor enige aanbevelings. Sedert 2011 het Ecsponent ‘n beleggingsfilosofie gevolg wat tradisionele en getoetste beleggingsbeginsels verbind met progressiewe, kreatiewe denke. Dit het opbrengste realiseer, ongeag die mark of politieke omstandighede, want ons is buigsaam en kan vinnig aanpas soos die markte verander. Daarbenewens fokus Ecsponent slegs op geleenthede wat inpas by ons strategie, waar gesonde bestuur die maatstaf is, en op gebiede wat ons goed genoeg verstaan om die risiko effens te versag.

 

Moenie ander blindelings volg nie.

Dink terug aan 2017 toe kripto-geldeenhede soos Bitcoin die mark getref het. Teen Kersfees van daardie jaar het oumas, tuiniers en kantoorwerkers almal gespog met hul winste. Die blydskap was egter van korte duur en ‘n jaar later het baie van hulle gesukkel om net hul kapitaal te verhaal.

 

Soos hierdie voorbeeld toon, is dit nooit wys om die massa blindelings te volg nie. In werklikheid is dit beter om in stryd met die marksentiment te koop of te verkoop.

 

Kyk verby die nuusopskrifte om risiko’s en geleenthede te verstaan

Die media speel ‘n belangrike rol om hul lesers in te lig en is instrumenteel om belangrike sosiale gruweldade bloot te stel en tot sosiale verandering te lei. Tog is dit nie alleen “nuus” wat bepaal waar geleenthede in spesifieke sektore of lande beskikbaar is nie.

 

As ons na Zimbabwe kyk, is daar geen twyfel dat die land groot uitdagings ervaar en dat sosiale opstande deel van die werklikheid is. Sosiale opstand is egter nie uniek aan die land nie, en selfs ontwikkelde demokrasieë, soos Frankryk, ondervind druk van die burgers. Dit is ook belangrik om te besef dat die nuwe Zimbabwiese leierskap ‘n finansiële stelsel op die rand van ineenstorting geërf het. Dit sal tyd neem om die skade te herstel wat deur jare se wanbestuur en verwaarlosing veroorsaak is.

 

Zimbabwe se ekonomie bied talle geleenthede te midde van die onrus en as belegger is dit belangrik om ‘n gebalanseerde beskouing oor die land te neem. Daar is reuse-tekorte aan kontant- en buitelandse valuta, ‘n hoë en onvolhoubare skuld-tot-BBP-verhouding en ‘n hoë fiskale tekort wat die ekonomiese bedrywigheid beperk. Boonop is daar ‘n tekort aan noodsaaklike goedere, insluitend brandstof en verbruikersgoedere wat enige betekenisvolle ekonomiese herstel kniehalter.

 

Aan die positiewe kant was die fiskale tekort in 2018 ‘n geraamde 10,7% van die BBP, vergeleke met 12,5% van die BBP in 2017. Hierdie tekort is hoofsaaklik veroorsaak deur verkiesingsverwante uitgawes, salarisverhogings van staatsamptenare en betalings in die landbousektor wat in 2018 deur middel van binnelandse lenings gefinansier is. Dit het daartoe gelei dat buitelandse skuld van 53,8% in 2017 tot ‘n beraamde 45,3% van die BBP in 2018 verminder het.

 

Verder het Zimbabwe een van die jongste bevolkings, met 36% van die bevolking tussen die ouderdomme van 15 en 34. Aangesien die arbeidsmag relatief vaardig is en die openbare infrastruktuur funksioneer, het Zimbabwe die geleentheid om via die Kontinentale Vryehandelsgebied by handelssnetwerke in te skakel.

 

Op die rand van groei

Hierdie aanwysers en verwagtinge is net ‘n paar van die redes waarom die maatskappy besluit het om in Zimbabwe te belê. Boonop is daar ook baie besigheidsgeleenthede waarvan Ecsponent wesenlike ondervinding het.

 

Ecsponent weet reeds uit ervaring om te belê in markte of besighede wat in ‘n groeifase of op die rand daarvan is. Een manier waarop ‘n land groei kan ontsluit, is om die vloei van fondse deur handel te stimuleer. Die Zimbabwiese regering het ‘n drieledige strategie aanvaar, gebaseer op landbou, ekotoerisme en spesiale ekonomiese sones en wat gepaard gaan met verbeterde ekonomiese en politieke bestuur om groei in die land te bevorder.

 

Die regering maak ook vordering met die instel van nougesette beleid wat die nakoming van fiskale reëls vereis, soos  uiteengesit in die Wet op Openbare Finansiële Bestuur. Hierdie hervormings herprioritiseer kapitaaluitgawes en beteken dat kapitale besteding vanaf 16% van die totale begrotingskoste in 2018 tot meer as 25% in 2019 en 2020 sal toeneem.

 

Ecsponent se mededingende voordeel

As ‘n belegger in finansiële dienste in hierdie land, is Ecsponent aan die voorpunt van ekonomiese verandering. Ander bly weg van hierdie tipe beleggings en verkies eerder om in “veiliger” opsies soos Amerikaanse aandele te belê. Elkeen het sy eie siening oor wat waarde in die mark inhou. Vir ons toon Zimbabwe baie belofte en die besluit kan geregverdig word as die risiko van gevestigde markte vergelyk word.

 

Ecsponent sien potensiaal in die ontwikkeling van die land se KMO-sektor en dit is juis een van die velde waarin ons baie ervaring het. Ons benadering is nie uniek nie. In 2018 was daar ‘n byna viervoudige toename in die finansiering van opkomende maatskappye in Afrika. Dit is ‘n teken van die toenemende vertroue in die vasteland se groeivooruitsigte. Volgens ‘n beleggingsverslag van 2018 is ‘n rekordbedrag van $725,6 miljoen bestee om 458 opkomende maatskappye van Afrika te finansier.

 

Dit is natuurlik van kritieke belang dat die wêreld moet weet Zimbabwe is reg vir besigheid. Sodra die land se strategie ná al die ontwrigting weer op dreef is, sal Ecsponent ‘n aktiewe deelnemer wees om die groeipotensiaal in die land te help ontsluit.

 

 

“Almal wil ‘n bietjie van ‘n uitskieter wees, maar niemand is nie, omdat die meeste beleggers ongelukkig nie soos dwase wil lyk nie.”

 

Laai Nuusbrief af in PDF