Suksesvolle ondernemings sal in die tye van verandering net kan oorleef en groei as lewensvatbare geleenthede geïdentifiseer, benut en met deursettingsvermoë aangepak word. Dit verg entrepreneurs wat die internasionale en plaaslike omgewing se risiko’s kan ontleed en idees en visualisering in suksesvolle produkte en dienste kan omskep.

 

Wat gebeur tans is die markte?

Daar is sterk aanduidings dat die Amerikaanse bulmark wat sedert Maart 2009 nooit een keer met meer as 20% gedaal het nie, nou besig is om momentum te verloor.

 

Vir Suid-Afrika hou dit ernstige implikasies in, want ons het nie soos ander ontluikende lande voordeel uit die Amerikaanse bulmarkte getrek nie, weens ons interne ekonomiese en politieke terugslae. Nogtans sal ons soos die res van die wêreld die spit afbyt met ‘n beermark in Amerika as dit is wat in die toekoms gaan gebeur.

 

Dit beteken Suid-Afrika kan ‘n tweede agtereenvolgende beermark betree wat daadwerklike negatiewe gevolge vir ons ekonomie inhou. Dit sal groot eise aan plaaslike maatskappye stel om berekende risiko’s te loop en hul ondernemings te herposisioneer.

 

Ons is ongelukkig, ten spyte van President Ramaphosa se poging om dit te verander, net nie meer ‘n ooglopende goeie beleggingsopsie soos sekere ander ontluikende lande nie, want ons gekaapte ekonomie kan nie presteer nie.

 

Dit is egter nie net ons eie interne krisis wat te blameer is nie. Volgens die South China Morning Post word miljarde dollar van die Amerikaanse Wall Street-beurs na Europese en Asiese beurse geskuif, in afwagting van die handelsoorlog tussen Amerika en China wat reeds begin toeneem.

 

Dit spruit uit die Trump-administrasie se aandrang dat China sy intellektuele eiendomspraktyke aanpas, sy markte vir buitelandse mededinging open, hoë subsidies op sy tegnologieprodukte afskaal en stappe neem om die handelsbalans met Amerika te balanseer. Dit het gelei tot honderde miljarde dollar se tariewe wat wedersyds teen mekaar ingestel is.

 

Die president van Indonesië, Joko Widodo, het tydens die pas afgelope Internasionale Fonds se spitsberaad in Bali gewaarsku dat die handelsoorlog tussen Amerika en China ernstige

 

implikasies vir ontwikkelde, sowel as ontwikkelende markte inhou.

 

Die goewerneur van die Bank van Frankryk, Francois Villeroy de Galhau, het tydens die beraad gesê die wêreld het skielik vanaf gesinkroniseerde groei tot ekonomiese verdeeldheid beweeg.

 

Die Internasionale Monetêre Fonds het reeds sy vooruitsigte van wêreldgroei vir 2018/19 van 3.9% tot 3.7% aangepas en gewaarsku dat ontluikende ekonomieë die impak eerste gaan voel as die Amerikaanse Federale Reserwebank en ander groot sentrale banke hul monetêre beleid vinniger gaan verstewig as wat verwag is.

 

Bepalend is die stand van Amerikaanse rentekoerse oor die volgende paar maande. Indien inflasie in dié moondheid toeneem, sal rentekoerse verhoog word. Dit het reeds begin met looninflasie (werkloosheid is op rekordlaagte) wat skerp in Amerika styg en verbruikersinflasie verhoog. Dit beteken die tienjaar tesourie-effekte (tans onder 3%) kan verhoog word, wat die einde van die bulmark sal beteken.

 

Kan ons rommelstatus vryspring?

Hier by ons lyk dit reeds na ‘n gegewe dat Moody’s Investor Services binne die volgende paar maande Suid-Afrika kan afgradeer. Moody’s is die enigste van die drie kredietgradeerders wat Suid-Afrika nog op beleggingsraad, Baa3, het.

 

‘n Afgradering deur Moody’s sal beteken dat Suid-Afrika van, onder meer die Citigroup World Government Bond Indeks uitgesluit sal word. Dit sal beteken dat tussen R60 en R140 miljard uit plaaslike effekte onttrek en na die buiteland geskuif word, omdat die indeks vereis dat effekte nie in lande met rommelstatus belê mag word nie.

 

Fokus op geleenthede, pleks van choas

Die onsekerhede skep egter ook geleenthede waarop gekapitaliseer kan word. Soos die bekende woorde van JD Rockefeller, waarskynlik die rykste man in ons tyd en in die geskiedenis: “Die manier om geld te maak, is om te koop as bloed in die strate loop.”

 

Ecsponent se beleggingsfilosofie bly onveranderd in tye van markwisseling. Ons belê oor ‘n wye spektrum om ons bates oor streke, geldeenhede  en winshorisons te versprei. Met ons voorkeuraandele bied ons vasgestelde opbrengste wat stabiliteit en gemoedsrus vir beleggers verseker.

 

Hierdie strategie het ons in staat gestel om die afgelope sewe jaar te floreer en in bates te belê wat oor verskeie groeisektore versprei is. Voorts het ons bedryfsbeleggings in krediet- en beleggingsdienste op nismarkte gefokus en veral in gebiede waar verbruikers swak bedien is.

 

As ‘n buigsame organisasie, is ons goed geposisioneer om op uitdagings in die markte te reageer en geleenthede raak te sien terwyl die res van die wêreld bloed op die strate sien. Registreer om ons landwye aanbiedings by te woon en meer te leer van geleenthede wat ons gaan ontsluit en hoe u as belegger in die veranderde markssituasie koers kan hou.

 

Vir ons voorkeur-aandeelhouers beteken dit die voortsetting van ons stabiele, voorspelbare opbrengste wat gemoedsrus verseker.

 

Wanneer is meer eintlik minder? Lees atyd die fynskrif

Die verbetering van opbrengste is elke belegger se oogmerk en hulle kan nie anders nie as om op te merk as sekere produkte skielik heelwat meer aanbied as gewoonlik. Die hoër as verwagte opbrengste kan egter deels toegeskryf word aan advertensies wat nie die fynskrif na behore uitlig nie.

 

Weet jy waarna om te kyk as beleggingsopbrengste vergelyk word?